881
Üzbəüz 30 iyun — 21:56

Ata Abdullayev Sevinc Hüseynovanı məhkəməyə verdi

Tanınmış videoblogger Ata Abdullayev son dövrlər təxribatçı fəaliyyəti ilə gündəmə gələn, müxtəlif dövlət məmurları və şəxsləri şərləməklə diqqətçəkən Sevinc Hüseynovanı məhkəməyə verib.

Bu gün Füzuli Rayon Məhkəməsində hakim Yaşar Həşimovun sədrliyi ilə keçirilən prosesdə iddia xüsusi ittiham qaydasında icraata götürülüb və növbəti məhkəmə baxışı iyul ayının 6-na təyin edilib.

Məsələ ilə bağlı danışan Ata Abdullayev bildirib ki, S.Hüseynova ölkədə qarışıqlıq yaratmağa, nüfuzlu şəxsləri, o cümlədən onu ləkələməyə çalışır.

                                          Sevinc Hüseynova

"O və onun kimi adamlar nəhayət başa düşməlidir ki, hamı qanun qarşısında bərabərdir. Mən onun həbsini tələb edirəm. Bu gün məhkəmədə ilkin baxış keçirildi və iddiam xüsusi ittiham qaydasında icraata götütüldü. İnanıram ki, məhkəmə obyektiv qərar verərək, ədaləti təmin edəcək",- o deyib.

Xəbərlər