230
Üzbəüz 14 mart — 11:35

Binəli Yıldırım: Türkiyə-Azərbaycan əməkdaşlığı regionun inkişafına yönəlib

Türkiyə və Azərbaycanın əməkdaşlığı bütün regionun inkişafına yönəlib.

Trend-in məlumatına görə, bunu Türkiyənin Baş naziri Binəli Yıldırım Azərbaycana səfəri ərəfəsində deyib.

Baş nazir bildirib ki, Bakı və Ankara arasında münasibətlər regionun təhlükəsizliyinin təmin olunmasına da istiqamətlənib.

O qeyd edib ki, Azərbaycana səfəri çərçivəsində bir sıra məsələlər, həmçinin Cənubi Qafqazdakı vəziyyət müzakirə olunacaq.

B.Yıldırım əlavə edib ki, səfər zamanı regional məsələlər barədə fikir mübadiləsi də aparılacaq.

Qeyd edək ki, Diasporla İş üzrə Dövlət Komitəsinin dəstəyi və Nizami Gəncəvi Beynəlxalq Mərkəzinin təşkilatçılığı ilə martın 15-18-də VI Qlobal Bakı Forumu keçiriləcək. Forumda bir sıra dövlətlərin prezidentləri, baş nazirləri, nazirləri, Nizami Gəncəvi Beynəlxalq Mərkəzinin üzvü olan sabiq dövlət və hökumət başçıları, tanınmış ictimai və siyasi xadimlərin də daxil olduğu 500 nəfərə yaxın qonağın iştirakı nəzərdə tutulur.

Xəbərlər