1710
Rəylər 3 avqust — 17:16

Marqarita Simonyan: "Ulu nənəm Paşinyanın gözlərinə tüpürərdi"

Məşhur rusiyalı jurnalist, Rusiyanın RT telekanalının baş redaktoru Marqarita Simonyan bugünkü Ermənistan hökumətinin ünvanına ardıcıl tənqidlərlə çıxış etməkdə davam edir.

M. Simonyanın Ermənistan hökuməti başçısının ünvanına yeni müraciəti mahiyyətinə görə daha təhqiramizdir. Rusiyalı jurnalist N. Paşinyanı erməni xalqının maraqlarına, tarixinə və dəyərlərinə xəyanət etməkdə günahlandırır.

Virtualaz.org bildirir ki, Simonyanın Paşinyana qarşı növbəti hücumu ilə bağlı fikirləri jurnalistin Facebook səhifəsində dərc olunub.

M. Simonyan, Paşinyanın 2005-ci ildə Osmanlı İmperiyasındakı “erməni soyqırımını” inkar edən və bir erməni ictimai və siyasi xadimi üçün paradoksal olan çıxışından sitat gətirib: "Gəlin, əcdadlarımızı tərifləməyi dayandıraq və özümüzə çox praqmatik sual verək: bəs bu əcdadlarımız bizə nələri vəsiyyət etdilər, özlərindən sonra nə qoyub getdilər? Heç bir şey, heç nə. Ona görə heç nə ki, sən sıfırdan başlamaq məcburiyyətindəsən və mən bilmirəm ki, biz hansı minusdan başlamalıyıq, çünki bizim əcdadlarımız bizə sadəcə, soyqırımı, alçaldılma, xəyanətkarlıq və əxlaqsızlıq ehtiyatını qoyub gediblər və indi məlum olur ki, onları aradan qaldırmaq çətindir, olduqca çətindir.

Mən əcdadlarımızı qınayıram, onları lənətləyirəm, çünki onlar bu gün bizim daha ləyaqətlə və daha qürurla yaşamağımız üçün heç nə etmədilər. Əcdadlarımız heç olmasa öz nəsillərinin qayğısına belə qalmadılar, hansı ki, heyvanlar instinktiv olaraq bunu edirlər. Əcdadlarımızı tərifləyənlərin hamısını qınayıram".

Maraqlıdır ki, M.Simonyan, Robert Koçaryan hakimiyyətinə müxalif olan “Aykakan Jamanak”ın baş redaktoru, jurnalist Paşinyanın səsləndirdiyi qalmaqallı fikirləri nədənsə birdən, özü də 15 il sonra (!!!), üstəlik həmvətənlərini tarixi həqiqətin gözünə dik baxmağa çağıran müəllifə qarşı qəzəb və kin-küdurətlə xatırlayır.

Simonyan ulu nənəsini də xatırladır, hansı ki, özünün yazdığı kimi, indiki jurnalisti "bəşər tarixində misli görünməmiş, qanlı qırğın qurbanlarının xatirəsinə əbədi ehtiram ruhunda" tərbiyə edib. Simonyanın sözlərinə görə, bu gün Ermənistanı idarə etməyi, onun müqəddəs nənəsini "soyqırım və əxlaqsızlıqda" ittiham edən bir insana tapşırıblar.

Nəhayət, xanım Marqarita Simonyan fitnəkar düşüncə ilə yazır: “İndi başa düşürəm ki, mənim postum Ermənistanda niyə bu qədər səs-küyə səbəb olub. Mən, həqiqətən, böyük erməni tarixinə nifrət edən, əcdadlarını lənətləyən və soyqırımı qurbanlarının xatirəsinə hörmət etməyən şəxsin hakimiyyətinə sevinməyə qadir olan publikanın bir hissəsi deyiləm. Zərərli və manqurt. Mənim nənəm onun gözlərinə tüpürərdi".

Virtualaz.org

Xəbərlər