249
Rəylər 13 iyun — 10:06

Komissar Yohannes Han: “Azərbaycanla yeni saziş ərsəyə gələn kimi...”

Avropa İttifaqı ilə Azərbaycan arasında yeni saziş ərsəyə gələn kimi, bu, iqtisadi imkanların artmasına da yardım edəcək.

 

Bu sözləri Avropa Qonşuluq Siyasəti və Genişlənmə Danışıqları üzrə Avropa İttifaqının (Aİ) komissarı Yohannes Han  Bakıda işə başlayan  Aİ-Azərbaycan Biznes Forumundan əvvəl jurnalistlərə deyib.

"Forum biznes sahəsində əlverişli mühitin təşviq edilməsi üçün çox faydalı platformadır. Burada Aİ və Azərbaycan şirkətləri arasında əməkdaşlıq çiçəklənə bilər. Aİ və Azərbaycandan olan bütün biznes nümayəndələrinin fikirlərini eşitmək, onların çətinlikləri və gördükləri imkanlarla tanış olmaq mühümdür. Əminəm ki, Aİ-Azərbaycan arasında yeni saziş ərsəyə gələn kimi bu, iqtisadi imkanların artmasına da yardım edəcək".

Komissar Y.Han Biznes Forumun açılış sessiyasında Aİ və Azərbaycanın yüksək səviyyəli digər hökumət nümayəndələri ilə birgə çıxış edəcək.

Biznes Forumda Almaniya-Azərbaycan Ticarət Palatası (AHK) Aİ-nın dəstəklədiyi "Aİ Biznes Mühiti Hesabatı - Azərbaycan 2019" sənədini təqdim edəcək. Bunun nəticələri Aİ-Azərbaycan biznes münasibətləri üçün əlverişli mühitə yönələn canlı müzakirələr üçün başlanğıc nöqtəsi olacaq. Qarşılıqlı əlaqə, kənd təsərrüfatı və turizm sahəsində keçiriləcək panel müzakirələrində sektor üzrə spesifik strategiya və layihələrə dair fikir mübadiləsi aparılacaq.

 

Xəbərlər