1521
Ölkə 23 fevral — 20:08

Bakı-Sumqayıt yolunda "Xaləddin təpələri" sökülür

Bakı-Sumqayıt yolundakı tıxacın aradan qaldırılması üçün yolun genişləndirilməsi işləri davam etdirilir.

“Qafqazinfo” xəbər verir ki, yolun Beynəlxalq Avtovağzal Kompleksi istiqamətində artıq torpaq təpələrin sökülməsi işləri aparılır. Təpəciklərin yerində iki hərəkət zolaqlı yol çəkiləcək.

Həmin təpələri "Xaləddin təpələri" də adlandırırlar. Belə ki, Xaləddin İsgəndərov  vaxtilə Binəqədinin icra başçısı olarkən büdcə pullarını abadlıq adı altında israf edərek yol kənarında süni təpəciklər yaratmışdı. Həmin təpələrin nə məna verdiyini Xaləddinin özündən savayı başa düşən olmadı.

Həmin zolaqlara daxil olan avtomobillər heç bir maneə olmadan Masazır, Ceyranbatan və bu istiqamətdə olan digər qəsəbələrə, həmçinin, Sumqayıt şəhəri və ölkənin şimal istiqamətində hərəkət edə biləcəklər.

Qeyd edək ki, günün pik saatlarında tıxacın yaranmasının qarşısını almaq məqsədi ilə Prezident İlham Əliyevin tapşırığına əsasən, Bakı-Quba-Rusiya Federasiyası ilə dövlət sərhədi avtomobil yolunun 7.5 km-dən başlayaraq Xırdalan dairəsi və əks istiqamətdə yenidənqurma işləri aparılır. İşlərin iyunun əvvəlinədək yekunlaşdırılması nəzərdə tutulur.

Xəbərlər