984
Dünən 11 mart — 14:29

Moskvada polis azərbaycanlıların bazarlarında axtarış aparır

Hüquq-mühafizə orqanlarının əməkdaşları Moskvadakı “Sadovod” bazarında və “Moskva” ticarət mərkəzində onlarla miqrantı saxlayıblar.

Virtualaz.org TASS-a istinadən xəbər verir ki, bu barədə hüquq-mühafizə orqanlarındakı mənbədən bildiriblər.

Saxlanılanların hamısı hazırda Rusiyada qalma qaydalarına əməl edilib-edilməməsi predmetinə görə yoxlanılırlar. Eyni zamanda, onların müxtəlif cinayət hadisələrində iştirakı ehtimalı araşdırılır.

*   *   *12:50

Ötən gücə Moskvada polis əməkdaşları təxminən gecə saat 3-də “Sadovod” bazarında axtarış tədbirlərinə başlayıblar.

Virtualaz.org TASS agentliyinə istinadən xəbər verir ki, hazırda polis əməkdaşları “Sadovod”da profilaktik tədbir həyata keçirirlər. Bazar özü normal fəaliyyətini davam etdirir, onu bağlamayıblar.

Öz növbəsində, “Kommersant” yazır ki, FTX, Rosqvardiya və polisin birgə həyata keçirdiyi tədbir axtarışda olan cinayətkarların tapılmasına və müxtəlif qanun pozuntularının profilaktikasına yönəldilib. Qeyri-rəsmi məlumatlara görə, axtarışlar müxtəlif etnik mütəşəkkil cinayətkar qruplaşmaların son zamanlar iştirakçısı olduqları davalara və silahlı qarşıdurmalara cavab olaraq keçirilir.

“İnterfaks” isə bildirir ki, bazarların ərazisində kriptovalyuta fermaları da axtarılır.

“Sadovod” bazarı təsisçilərinin Qod Nisanov və Zarah İliyevin olduqları “Kiyevskaya ploşad” şirkətinə məxsusdur. Bu bazar Rusiyanın ən iri topdan-pərakəndə ticarət mərkəzi kimi tanınır.

Bazarın ümumi sahəsi 40 hektardan çoxdur. Burada səkkiz mindən çox pavilyon fəaliyyət göstərir. Burada alver edənlərin əksəriyyəti azərbaycanlılardır.

Xəbərlər