1182
Dünən 10 mart — 01:38

Rəfsəncaninin qızından İrana şok ittiham

İranın keçmiş prezidenti Əli Əkbər Haşimi Rəfsəncaninin qızı Faizə Haşimi ölkə rəhbərliyini kəskin tənqid edib.

Virtualaz.org yerli KİV-ə istinadən bildirir ki, Faizə Haşimi qadınlara münasibətdə İran hakimiyyətinin İŞİD terror təşkilatından fərqlənmədiyini deyib.

O qeyd edib ki, inqilabdan ötən 40 il ərzində qadınların ictimai fəaliyyətində, yüksək vəzifələrə təyin olunmasında, eləcə də siyasətdə təmsil olunmasında heç bir irəliləyişə nail olunmayıb, əksinə, bu sahədə ölkə daha da geriləyib.

Faizə Haşimi bunun əsas səbəbinin İran hakimiyyətinin qadın haqlarına siyasi müstəvidən yanaşmasında olduğunu bildirib: “İran hakimiyyəti Qərb dəyərlərindən qorxur. Məsələn, buna görə də qadınların stadionlardan idman yarışlarına tamaşa etməsi qadağan edilib. Halbuki İslam dini və heç bir islam ölkəsində belə hal yoxdur. İranlı rəsmilər və ayətullahlar isə bu məsələni siyasiləşdirirlər”.

Xəbərlər