238
Kapital 11 iyun — 19:54

Azərbaycanın 55 şirkəti Rusiyaya pomidor və alma ixrac edəcək

Rusiyanın Baytarlıq və Fitosanitar Nəzarəti üzrə Federal Xidmətinin ("Rosselxoznadzor") qəbul etdiyi qərara əsasən, iyunun 15-dən Azərbaycanın 55 şirkəti dəmiryolu ilə qonşu ölkəyə pomidor və alma ixrac edə biləcək.

Virtualaz.org bildirir ki, bu barədə "Rosselxoznadzor" məlumat yayıb.

Məlumata görə, bunlardan 31-i pomidor, 24-ü isə alma istehsalı üzrə fəaliyyət göstərən müəssisələrdir.

Qərar Azərbaycanın Qida Təhlükəsizliyi Agentliyinin təqdim etdiyi sənədlər və verdiyi zəmanət əsasında qəbul olunub. Mal ixracı fitosanitar sertifikatlar əsasında baş tutacaq. Oktyabrın 1-dən isə Azərbaycandan Rusiyaya ixrac konteynerlərlə həyata keçiriləcək.

Xəbərlər