184
Kapital 19 yanvar — 15:13

Azərbaycanın maliyyə bazarında yeni investisiya şirkəti fəaliyyətə başladı

Azərbaycanın maliyyə bazarında yeni investisiya şirkəti -«MFX-Trading» ASC fəaliyyətə başlayıb. Şirkət Bakı Fond Birjasının üzvülüyünə qəbul edilib,  öz fiziki və korparativ müştərilərinin yerli emitentlərin qiymətli kağızlarının alışı və satışı üzrə sifarişlərini yerinə yetirir. 

Bundan başqa “MFX-Trading” şirkəti tərəfindən Azərbaycanda ilk dəfə Forex bazarında öz vəsaitləri ilə ticarət əməliyyatları həyata keçirən müştərilərə üstün funksionallığına görə ən qabaqcıl ticarət platforması hesab edilən “Meta-Trader 5” terminalı da təklif edilib. 

Şirkətin saytında (www.mfx.az) online rejimdə qeydiyyatdan keçərək hesab açmaq, hesaba plastik kart vasitəsilə vəsait yatırmaq və ticarət platformasını yükləyərək dünya birjalarına qoşulub müstəqil şəkildə ticarət əqdləri icra etmək üçün bütün imkanlar yaradılıb. Qeydiyyat prosedurlarını “MFX-Trading” şirkətinin biznes tərəfdaşı olan “Muğanbank” ASC-nin yerli filialları vasitəsilə də həyata keçirmək mümkündür.

“MFX-Trading” şirkətinin təklif etdiyi xidmətlər siyahısına, həmçinin MicrosoftNikeCoca-ColaAppleMcDonald’sBoeingAmerican ExpressAmazonFacebook kimi dünyanın aparıcı şirkətlərinin hissə sənədlərinin (səhm) real alışı vasitəsilə investisiya yatrımları etmək imkanları da daxildir.

Valyuta risklərinin hedc edilməsində mühüm əhəmiyyət kəsb edən fyuçers, opsion və digər maliyyə alətləri ilə əməliyyat aparmaq istəyən sahibkarlar üçün Şirkətin yüksəkixtisaslı mütəxəssisləri tərəfindən geniş məsləhət xidmətləri də göstərilir.

 

Xəbərlər