531
Kapital 12 avqust — 21:05

OPEC Azərbaycanda neft hasilatı ilə bağlı

OPEC 2020-ci il üçün Azərbaycanda gündəlik ortalama neft hasilatı üzrə proqnozunu azaldıb.

OPEC-in aylıq hesabatında bildirilir ki, OPEC bu il üçün ölkədə gündəlik orta neft hasilatının 0,07 milyon/barrel azalaraq 0,72 milyon barrel/sutka olacağını proqnozlaşdırır.

Yeni proqnoza əsasən, 2021-ci ildə də Azərbaycanın gündəlik ortalama neft hasilatı 0,72 milyon barrel/sutka səviyyəsində qalacaq.

May və iyun aylarında Azərbaycanda xam karbohidrogen hasilatı əvvəlki ayla müqayisədə müvafiq olaraq 0,11 milyon və 0,02 milyon barrel/sutka azalıb. İyun ayında hasilatın azalması 0,68 milyon barrel/sutkaya bərabər olub.

May ayında xam neft hasilatı 111 min barrel/sutka azalaraq 0,57 milyon barrel, iyun ayında 20 min barel/sutka azalaraq 0,55 milyon barrel təşkil edib. İyul ayında isə xam neft hasilatı ötən ayla müqayisədə dəyişməz qalaraq 0,55 milyon barelə bərabər olub.

Qeyd edək ki, aprelin 9-da OPEC və qeyri-OPEC ölkələri nazirlərinin iclasında mayın 1-dən 2022-ci ilin aprelinədək gündəlik neft hasilatının üç mərhələ üzrə azaldılması barədə qərar qəbul edilib.

Xəbərlər