386
Dünya 2 Avqust 2021, 15:06

Keçmiş prezident Əsgər Akayev Bişkekə aparıldı, hazırda dindirilir

15.06

Qırğızıstanın Dövlət Milli Təhlükəsizlik Komitəsinin əməkdaşları keçmiş prezident Əsgər Akayevi aerportdan birbaşa dindirməyə aparıblar. Bu haqda qırğız KİV-ləri bildirir. Məlumata görə hazırda Əsgər Akayevin barəsində istintaq tədbirləri həyata keçirilir. Onun barəsində həbs qərarının verilib-verilməyəcəyi hələ məlum deyil. Korrupsiyada ittiham olunan Əsgər Akayev hakimiyyətdən devriləndən sonra uzun müddətdir Qırğızıstandan kənarda-Rusiyada yaşayırdı.

***

Qırğızıstanın keçmiş Prezidenti, axtarışda olan Əsgər Akayev paytaxt Bişkekə gəlib. Virtualaz.org-a "24.kg" saytına istinadən verdiyi xəbərə görə, bu barədə ölkənin Dövlət Milli Təhlükəsizlik Komitəsinin mətbuat xidməti məlumat yayıb. Təyyarədə sabiq prezidentin oğlu İlim Akayevin də olduğu bildirilir. İlkin məlumata görə, Əsgər Akayev "Kumtor" cinayət işi çərçivəsində Dövlət Milli Təhlükəsizlik Komitəsində dindiriləcək.

Xatırladaq ki, Qırğızıstanın eks-prezidentləri Əsgər Akayev və Kurmanbek Bakiyev “Kumtor” qızıl yatağının işlənməsində yol verilmiş qanunsuzluqlarla bağlı başlanmış cinayət işi üzrə təqsirli bilinərək axtarışa verilib. Kanadanın “Centerra Gold Inc.” şirkəti 700 tona yaxın ehtiyatı olan “Kumtor” qızıl yatağını 30 ilə yaxındır işlədir.

Qırğızıstan ekoloji normaların pozulması və mədənin işlənməsi zamanı vergilərdən yayınmaya görə şirkətə qarşı 4,2 milyard dollarlıq maliyyə iddiası irəli sürüb.

Xəbərlər