309
Dünya 21 İyul 2021, 13:58

Yaponiya Olimpiya oyunlarının ləğv olunacağını istisna etmir

"Tokio 2020" Olimpiadasının təşkilat komitəsindən bir rəsmi bildirilib ki, əgər koronavirusa yoluxmalar kəskin artmaqda davam edərsə üç gündən sonra başlamalı olan Oyunların ləğvi istisna edilmir. Komitənin rəsmilərindən Toşiro Muto iyulun 20-də deyib ki, təşkilatçılar pandemiya vəziyyətini diqqətlə müşahidə edirlər və əsaslı qərar qəbul etmək üçün başqa rəsmilərlə məsləhətləşirlər.

Bu bəyanatın verildiyi gündə Olimpiadaya bağlı şəxslər arasında COVID-19-a daha 9 yoluxma qeydə alınıb. Beləliklə, iyuilun əvvələrindən bəri yoluxanların sayı 71-ə çatıb. Toşiro Muto deyib: "Əgər yoluxmalar sıçrayışlı artarsa, biz müzakirələri davam etdirəcəyik”.  Toşiro Muto hakim partiyaya yaxın şəxs kimi tanındığından onun bəyanatına diqqətlə yanaşılır.

Muto daha sonra deyib: "Biz razılaşmışıq ki, koronavirus situasiyasından asılı olaraq beştərəfli danışıqları bərpa edək. Hazırkı məqamda yoluxmalar arta da bilər, azala da. Odur ki, biz zamanı gələndə lazımi qərarı qəbul edəcəyik”.

Olimpiadaya bir həftədən də az qaldığı bir vaxtda təşkilatçıların epidemioloji vəziyyəti necə yola verəcəkləri narahatlıq doğurur.Çünki ölkəyə minlərlə idmançının, rəsmilərin və başqa heyətlərin gəlişi gözlənilir. Yaponiyada peyvəndləmə başqa inkişaf etmiş ölkələrlə müqayisədə xeyli geri qalır. Hazırda Tokioda koronavirusa yoluxmaların sıçrayışlı artımı başlanıb.

Yay olimpiadası pandemiyaya görə artıq  ötən il bir dəfə təxirə salınıb. Bu il isə Olimpiya oyunlarını tamaşaçısız keçirmək qərara qalınıb. Lakin bütün bu narahatlıqlara baxmayaraq "Tokio 2020" təşkilat komitəsinin sözçüsü bildirib ki, təşkilatçılar bütün diqqətlərini uğurlu idman bayramının keçirilməsinə yönəldiblər. Beynəlxalq Olimpiya Komitəsinin prezidenti Tomas Bax deyib ki, təbbirin təxirə salınması heç vaxt variantlardan biri olmayıb.

virtualaz.org

Xəbərlər