280
Dünya 26 oktyabr — 23:42

Türkiyənin Hatay vilayətində terrorçu özünü partlatdı

Türkiyənin Hatay vilayətində İsgenderun rayon mərkəzində terror aktı törədilib.

Virtualaz.org yerli KİV-ə istinadən bildirir ki, bu barədə Hatay valisi Rahmi Doğan məlumat yayıb.

Vali deyib ki, İsgenderunun mərkəzində Fener küçəsində yerli vaxtla 20.30-da iki terrorçudan biri öz üzərinə bağladığı partlayıcı ilə birgə partlayış törədib və o, zərərsizləşdirilib. Digər terrorçunun isə axtarışı davam edir.

Hadisə yerinə çox sayda təhlükəsizlik, səhiyyə, fövqəladə hallar və hüquq-mühafizə işçiləri cəlb edilib.

Vali partlayışda ölənlərin olmadığını bildirib. Yaralananlar barədə hələlik məlumat verilmir.

Xatırladaq ki, ABŞ dünən Türkiyədə yaşayan vətəndaşlarına terror aktlarının mümkünlüyü barədə xəbərdarlıq edib.

Virtualaz.org

Xəbərlər