166
Cəmiyyət 21 sentyabr — 13:31

Türkiyədə Azərbaycan kapitalı ilə 70-dən çox şirkət qeydiyyata alınıb

2020-ci ilin yanvar-avqust aylarında Türkiyədə Azərbaycan kapitalı ilə 77 şirkət qeydiyyata alınıb. Bu, ötən ilin eyni dövrü ilə müqayisədə 48 şirkət azdır.

Bu barədə Trend-ə Türkiyənin Ticarət-Sənaye Palatasından bildiriblər.

Qeyd edilib ki, hesabat dövründə Türkiyədə qeydiyyata alınmış Azərbaycan şirkətlərinin ümumi kapitalı 16,685 milyon lirə təşkil edib. 2019-cu yanvar-avqust aylarında bu göstərici 18,695 milyon lirə olub.

Bu ilin yanvar-aprel aylarında Azərbaycan kapitalı ilə 63 şirkət İstanbulda qeydə alınıb. Bu şirkətlərin ümumi kapitalı 10,273 milyon lirə təşkil edib.

2020-ci ilin yanvar-aprel aylarında Türkiyədə Azərbaycan kapitalı ilə 2 dağ-mədən, 8 sənaye, 2 tikinti, 38 topdan və pərakəndə ticarət, 6 nəqliyyat, 5 turizm və 4 daşınmaz əmlak satışı şirkəti qeydiyyata alınıb.

Daha 12 şirkət iqtisadiyyatın digər sektorlarında faəliyyət göstərir.

Xəbərlər