251
Cəmiyyət 9 avqust — 16:59

Neftçaladan olan keçmiş məhkum Bakıda əcnəbinin bahalı velosipedini oğurladı

Paytaxtın Səbail rayonunda oğurluq etməkdə şübhəli bilinən şəxs saxlanılaraq istintaqa cəlb edilib.

Bakı Şəhər Baş Polis İdarəsinin Mətbuat Xidmətindən virtualaz.org-a verilən məlumata görə, Səbail Rayon Polis İdarəsi əməkdaşlarının keçirdiyi əməliyyat-axtarış tədbirləri nəticəsində avqustun 7-də xarici ölkə vətəndaşına məxsus 900 ABŞ dolları dəyərində “Speeds” markalı velosipedi oğurlamaqda şübhəli bilinən, əvvəllər Cinayət Məcəlləsinin müxtəlif maddələri ilə məhkum olunmuş 1986-cı il təvəllüdlü, Neftçala rayon sakini Vüqar Muxtarov saxlanılıb.

Şübhəli şəxs barəsində Cinayət Məcəlləsinin 177.1-ci maddəsi ilə cinayət işi başlanıb, onun ətrafında əməliyyat-axtarış, əməliyyat-istintaq tədbirləri davam etdirilir.

Xəbərlər