465
Cəmiyyət 17 fevral — 17:15

Gəncədə avtobus piyadanı vurub öldürdü

Gəncə şəhərində ölümlə nəticələnən yol-nəqliyyat hadisəsi baş verib.

Daxili İşlər Nazirliyinin Mətbuat xidmətindən virtualaz.org-a verilən məlumata görə, hadisə fevralın 16-da saat 7 radələrində Gəncə şəhəri, Nizami küçəsində qeydə alınıb.

Samux rayon sakini Əhməd Mustafayev idarə etdiyi “İsuzu” markalı xətt avtobusu ilə yolu keçən şəhər sakini Eldar Abbasovu vurub.

Nəticədə piyada aldığı xəsarətlərdən hadisə yerində ölüb.

Gəncə Şəhər Baş Polis İdarəsi tərəfindən araşdırma aparılır.

Xəbərlər