150
Cəmiyyət 3 dekabr — 11:30

Azərbaycan-Gürcüstan sərhədindəki göldə itən balıqçıların axtarışları

Gürcüstanın Qardabani rayonunda, Candargöldə ötən gün itkin düşən iki balıqçının axtarışları gecə ərzində davam etdirilib.

Bu barədə Gürcüstanın Fövqəladə Halların İdarə olunması Xidməti məlumat yayıb.

Xidmət rəhbəri Temur Mqebrişvili və müavini Levan Varsiaşvili hadisə yerinə baş çəkiblər. Onlar axtarış işləri ilə yerində tanış olublar. Bildirilib ki, ötən gün ərzində axtarışlara Gürcüstan Sərhəd Polisinin, həmçinin Azərbaycan tərəfdən də helikopter cəlb olunub. Azərbaycan helikopteri axtarışları gölün ölkə ərazisindəki hissəsində aparıb.

Qeyd edək ki, iki gənc balıqçı ötən gün günorta saatlarında itkin düşüb. Onların qohum olduqları bildirilir.Candargöl Azərbaycan və Gürcüstan arasındakı sərhədin tam ortasından keçir və Ağstafa rayonu ərazisində yerləşir. (report)

Xəbərlər