294
Cəmiyyət 10 oktyabr — 22:38

Ağcabədidə qohumlar dava etdi

Ağcabədi rayonunda qohumlar arasında bıçaqlaşma olub.

Hadisə rayonun mərkəzində baş verib. Ağcabədi rayon sakini, 1988-ci il təvəllüdlü Məhərrəmov Ruslan Tofiq oğlu doğma bibisi oğlu, 1999-cu il təvəllüdlü Quliyev Əli Ənvər oğlu ilə mübahisə edib.

Mübahisə davaya çevrilib və nəticədə R.Məhərrəmov üzərində gəzdirdiyi mətbəx bıçağı ilə Ə.Quliyevi ürəyindən bıçaqlayıb. Ə.Quliyev təcili xəstəxanaya çatdırılaraq əməliyyat olunub, vəziyyəti ağırdır.

Faktla bağlı Cinayət Məcəlləsinin 126.1-ci (qəsdən sağlamlığa ağır zərər vurma) maddəsilə cinayət işi başlanıb. Hadisəni törədən şəxs saxlanılıb. (trend)

Xəbərlər