431
Bu gün 14 fevral — 12:32

Bu gün təkcə Sevgililər yox, həm də Hərbi-Hava Qüvvələri Günüdür

Bu gün Azərbaycanda Hərbi-Hava Qüvvələri Günüdür.

Salamnews xatırladır ki, 1992-ci ildə Milli Ordunun Hərbi-Hava Qüvvələri ayrıca bölmə kimi təsis olunub və həmin vaxtdan 14 fevral - Azərbaycanın Hərbi-Hava Qüvvələri Günü kimi qeyd olunur.

Azərbaycanın ilk hərbi pilotu Fərrux ağa Qayıbov olub. O, Birinci Dünya müharibəsində almanlara qarşı keçirilən hava əməliyyatlarında fəal iştirak edib və indiki Belarus ərazisində gedən döyüşlərdən birində həlak olub.

1997-ci ildə Azərbaycanın Ali Hərbi Təyyarəçilik Məktəbi ölkənin ilk milli hərbi təyyarələrinin buraxılışına başlayıb. Beləliklə, 2005-ci ildən Azərbaycanda müdafiəyə ayrılmış vəsaitlərin əhəmiyyətli hissəsi məhz HHQ və HHMQ-nin dirçəldilməyinə sərf edilib. 2008-2010-cu illər ərzində HHQ-nin aviaparkı modernləşdirilib.

Hazırda Azərbaycan HHQ-nin pilotları MDB məkanında ən çox uçuş keçirmiş pilotlar sayılır. Azərbaycan pilotları əsasən Azərbaycan Ali Hərbi Təyyarəçilik Məktəbində hazırlanır, Türkiyə, Ukrayna, ABŞ və digər ölkələrin müvafiq ixtisasartırma kurslarında təlimlər keçirlər.

Virtualaz.org təəssüflə vurğulayır ki, bütün bunlara baxmayaraq bu gün hamı nədənsə yalnız Sevgililər günündən danışır. Halbuki başqa cür olmalı idi. Ən azı müharibə şəraitində yaşadığımıza görə...

Virtualaz.org

Xəbərlər