591
Bu gün 27 İyul 2021, 20:36

Gəncəbasarda leysan: küçələri su basdı, 2 sakini ildırım vurdu

Bu gün axşam saatlarında Gəncə şəhərində yağan leysan yağış və dolu bir sıra fəsadlar törədib. Leysan yağış səbəbindən avtomobillərin hərəkətində qismən çətinlik yaşanıb, şəhərin bəzi küçələrini, evlərin həyətyanı sahələrini su basıb. Hava şəraitinə görə şəhərin bəzi hissəsinə elektrik enerjisinin verilişi dayandırılıb. Hazırda Gəncə şəhəri və ətraf rayonlarda yağıntılı hava şəraiti davam edir.

Şiddətli leysan yağarkən Gəncə şəhər sakini, 1973-cü il təvəllüdlü Səlimov Aydın Ələkbər oğlunu ildırım vurub. Yaralı Gəncə şəhərində yerləşən xəstəxanalardan birinə yerləşdirilib.

Daha bir hadisə isə Cavadxan küçəsində baş verib, 1985-ci il təvəllüdlü Kərimov Sərxan İsmixan oğlunu ildırım vurub. O, xəstəxanaya yerləşdirilib və hazırda koma vəziyyətindədir.

Xatırladaq ki, bu gün günün ikinci yarısından etibarən Bakıda və bölgələrdə hava şəraiti kəskin dəyişib, sinoptiklər güclü külək və leysan yağışların olacağı haqda xəbərdarlıq edib.

Xəbərlər