271
Bu gün 27 yanvar — 20:27

Bu il Bakı-Novorossiysk kəməri ilə neft nəql edilməyib

Bakı-Novorossiysk kəməri ilə bu il neft nəqli həyata keçirilməyib.

Bunu Trend-ə SOCAR-ın İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov deyib.

SOCAR rəsmisi bildirib ki, sözügedən xətlə neftin nəqlinin dayandırılması texniki xarakter daşıyır.

Onun sözlərinə görə, nəql üçün bir neçə kəmərdən istifadə edilə bilər: "Həcmləri bir istiqamətdən digər istiqamətə yönəldə bilirik. Bu il Bakı-Novorossiysk kəməri ilə neft tədarük edilə bilər. Bu, istisna edilmir. Amma hələlik vaxt və həcm üzrə plan yoxdur".

Qeyd edək ki, Bakı-Novorossiysk kəməri xam neftin şimal istiqamətində nəqli üçün inşa olunub. Bu kəmərlə xam neft Rusiya ərazisindən keçməklə Novorossiysk limanına (Qara dəniz) nəql olunur. Bununla bağlı müvafiq müqavilə 1996-cı il fevralın 18-də Moskvada imzalanıb. İlk neft dünya bazarına 1997-ci il oktyabrın 25-də çıxarılıb.

Xəbərlər