362
Rəylər 15 aprel — 11:11

ABŞ Rusiyanı sülh prosesini pozmaqda ittiham etdi

ABŞ hesab edir ki, Suriyada kimyəvi silahların məhv etdirilməsində beynəlxalq zəmanətçi qismində çıxış etmiş Rusiya Federasiyası üzərinə götürdüyü öhdəlikləri icra edə bilməyib. Bu isə Suriyada hərbi əməliyyatın keçirilməsi ilə nəticələnib. RİA “Novosti”nin verdiyi xəbərə görə, bu barədə jurnalistlərə brifinq zamanı ABŞ prezidenti administrasiyasının yüksək vəzifəli nümayəndəsi bildirib.

“Rusiyanın Suriyada kimyəvi silahların məhvində zəmanətçi qismində iflasa uğradığı tam aydındır. Prezident  Rusiyanın növbəti dezinformasiya kampaniyası keçirməsini gözləməməyə qərar verdi”, - deyə o qeyd edib.

ABŞ, Britaniya və Fransa aprelin 14-nə keçən gecə Suriyanın hərbi və mülki obyektlərinə 100-dən çox raket buraxıb. Rusiya tərəfi iddia edir ki, Suriya Hava Hücumundan Müdafiə sistemləri raketlərin əksəriyyətini hədəfə çatmadan məhv edib.

Xəbərlər