1508
Rəylər 13 noyabr — 15:25

Vahid Ələkbərov SOCAR-ın planı haqda: “Mənə çatan son məlumata görə... ”

Rusiyanın “Lukoil” şirkətinin prezidenti Vahid Ələkbərov jurnalistlərlə söhbətində deyib ki, ABŞ-ın tətbiq etdiyi sanksiyalar onun şirkətinin Meksikadakı işinə mane olmur. “Bilirsiniz, heç nə mane olmur. Hüquqşünaslar hər şeyi yoxlayıblar”-Ələkbərov bildirib.

“Lukoil”un törəmə şirkəti olan LUKOIL International Upstream Holding Meksika körfəzinin sahilyanı zolağında neft blokunun işlənməsi üzrə tenderi udub. Həmin yataqlar blokunda Ələkbərovun şirkətinin payı 75 faizdir. Yataqlar bloku Kunkas-del-Sureste neft əyalətində yerləşir və 521 kvadratkilometr sahəni əhatə edir. Bundan əvvəl “Lukoil” İtaliyanın “Eni” şirkəti ilə konsorsium quraraq Meksikada daha üç yatağın işlənməsinə dair tenderin qalibi olub.

Ələkbərov jurnalistlərə onu da deyib ki, Azərbaycanın, İranın və Əlcəzairin milli neft şirkətləri “Lukoil”un İtaliyadakı neft emalı kompleksi İSAB-ı almağa maraq göstərir. Onun sözlərinə görə, potensial müştərilər arasında ABŞ-ın iri neft emalı şirkətləri, beynəlxalq investisiya fondları və Fars körfəzi ölkələrindən birinin iri neft şirkəti də var.

“Bunlar milli neft şirkətləridir, İranın, ilk növbədə Əlcəzairin. Mənə çatan son məlumata görə o cümlədən SOCAR bu zavoda maraq göstərir. Hazırda zavodun satışı ilə bağlı başlanğıc mərhələdir. Bir çox təkliflər alırıq. Bütün variantları dəyərləndiririk. Zavod hazırda çox yaxşı vəziyyətdədir. Şirkət onun modernləşdirilməsinə ciddi vəsait qoyub. Bütün qurğular işləyir. Ona görə də bizim zavodu tələsik satmaq fikrimiz yoxdur”-Ələkbərov bildirib.

Virtualaz.org

Xəbərlər