740
Rəylər 13 sentyabr — 17:59

Nazir Əli Sindi: "Kürdüstan artıq dövlətdir"

Kürdüstan regional hökumətinin planlaşdırma naziri Əli Sindi əmindir ki, müstəqil Kürdüstanın yaradılması regionun bütün ölkələrinin xeyrinədir və o, 25 sentyabra təyin edilmiş referendumu kürd xalqının tarixinin ən əhəmiyyətli səhifəsi hesab edir.

Ə.Sindi bunu virtualaz.org-a eksklüziv açıqlamasında deyib.

"Kürdüstan artıq dövlətdir və kürd xalqı öz dövlət quruluşuna malik olmağı çoxdan haqq edib. Biz regionun bütün ölkələri ilə normal münasibətlər quracağıq", - deyə o vurğulayıb.

Kürd naziri qarşıdakı referendumun müvəffəqiyyətli olacağından o qədər əmindir ki, hətta bu barədə Türkiyənin narazılığı da onu narahat etmir. Sindi vurğulayıb ki, Kürdüstan son zamanlar Türkiyə ilə yaxınlaşmaq üçün çox şeylər edib və onunla münasibətləri bundan sonra da həmin istiqamətdə davam etdirəcək.

Kürdüstanın müstəqilliyinə İraq mərkəzi hakimiyyətinin neqativ münasibətinə gəlincə, A. Sindi qeyd edib ki, Bağdadın bu problemə necə münasibət bəsləməsindən asılı olmayaraq, Kürdüstanda referendum baş tutacaq.

Xatırladaq ki, İraqdakı kürd muxtariyyətinin rəhbərliyi sentyabrın 25-də müstəqillik üzrə referendum keçirməyə hazırlaşır. Rəsmi Bağdad və qonşu ölkələr buna kəskin etirazlarını bildiriblər.

Virtualaz.org

Xəbərlər