246
Dünya 13 fevral — 21:07

Culian Asanjın həbsinə dair order qüvvədə saxlanıb

Londonun Vestminster rayonunun Magistrat məhkəməsi “WikiLeaks” saytının yaradıcısı Culian Asanjın həbsinə verilən orderi qüvvədə saxlayıb. Bu barədə müvafiq qərar fevralın 13-də hakim Emma Arbutnot tərəfindən çıxarılıb.

Müdafiə Assanjın işinin “düzgün informasiya vermək və söz azadlığı uğrunda mübarizədən” ibarət xüsusi ictimai maraq daşıdığında israr edib. Vəkillər bu işlə əlaqədar təhqiqatı dayandıran İsveç hökumətinin qərarını əsas gətirərək orderin ləğvinə çalışıb. Ekstradisiya əleyhinə şəhadətnamə və digər əlavə dəlillər məhkəməyə təqdim olunsa da, hakim tərəfindən rədd edilib.

Qeyd edək ki, Assanj “WikiLeaks” saytının fəaliyyəti ilə əlaqədar İsveç hökumətinin onu ABŞ-a ekstradisiya edəcəyindən qorxaraq 2012-ci ildən Ekvadorun Londondakı səfirliyində gizlənir. O, səfirliyin ərazisini tərk edərsə, Britaniya polisi tərəfindən həbs olunacaq.

Xəbərlər