238
Bu gün 9 noyabr — 22:28

Göygöldə iki VAZ-2107 toqquşdu, 57 yaşlı qadın həlak oldu

Göygöl rayonunda yol-nəqliyyat hadisəsi baş verib. Hadisə rayonun Balçılı kəndində yerləşən şadlıq evinin yaxınlığında qeydə alınıb.

"VAZ-2107" markalı avtomobil Gürcüstan dövlət qeydiyyat nişanlı "VAZ-2107" markalı maşınla toqquşub. Nəticədə Göygöl rayon Qızılca kənd sakini, 1961-ci il təvəllüdlü Xalidə Həmzə qızı Bağırova aldığı xəsarətlərdən hadisə yerində ölüb. Qəza zamanı daha iki nəfər - 1958-ci il təvəllüdlü Rusiya vətəndaşı Əli Məmmədov və 1993-cü il təvəllüdlü Göygöl rayon sakini Mirmahal Ağabalayev müxtəlif bədən xəsarətləri alıb. Hər iki yaralı xəstəxanaya yerləşdirilib, vəziyyətlərinin orta-ağır olduğu bildirilir.

Faktla bağlı araşdırma aparılır. (Report)

Xəbərlər