250
Aktual 14 fevral — 12:47

Zoltan Hernyes: "Azərbaycanın Avropa Şurasından çıxması məsələsi gündəmdə deyil"

"Azərbaycanın Avropa Şurasından (AŞ) və Avropa Şurası Parlament Assambleyasından (AŞPA) çıxması məsələsi gündəmdə deyil".

Virtualaz.org bildirir ki, bunu AŞ-ın Azərbaycandakı nümayəndəsi, səfir Zoltan Hernyes deyib.

O bildirib ki, AŞPA-nın yanvar ayında keçirilən sessiyasında da Azərbaycan nümayəndə heyəti çox aktiv iştirak edib:

"Nümayəndə heyətinin rəhbəri Səməd Seyidov AŞPA-nın vitse-prezidenti seçilib. Odur ki, gündəmdə belə məsələ yoxdur".

AŞPA-nın Azərbaycanda bu il aprelin 11-də keçiriləcək növbədənkənar prezident seçkilərini müşahidə edib-etməyəcəyinə gəlincə, səfir hazırda müzakirələr aparıldığını deyib: "Azərbaycan Mərkəzi Seçki Komissiyasından rəsmi dəvət almışıq. Bizdə Komitə nümayəndələri ilə daimi görüşlər keçirilir. Hazırda monitorinq missiyasında iştirak edib-edilməyəcəyi ilə bağlı texniki debatlar gedir".

Xəbərlər